Les mots surlignés font l'objet d'une note
1Reçue à Montélimar, le 31 juillet 1573. Répondue le 02 août 1573
2Monsieur de Gordes, ayant le doyen du chappitre de leglise Notre-Dame de Dye par mon
3commandement et pour mon service tousiours esté près de levesque de Vallence
4depuis le moys daoust dernier quil a residé pour mes affaires près les
5estatz et seigneurs du roy de Pellongne jusques à son retour dernier, il ne peust
6comparoir en personne audit chappitre en lassemblée dernière pour y faire et
7prester le serment ainsi quil est tenu faire chacun an au quinzième dudit moys
8daoust, comme il ne pourra semblablement faire durant la presente année
9estant sur le poinct de retourner audit voiage, qui ma meu descripre presentement
10aux chanoines dudit chappitre à ce quilz ayent à lexcuser et dispenser de
11sadite non comparution, tant de ladite année passée que pour la presente et tout le temps pendant lequel il pourra estre absent à ceste occasion et oultre le dispenser
12de sa residence en la ville dudit Dye durant ledit temps ; et pource que je desire
13singulierement que lesdits chanoines satisfacent à la prière que je leur en faictz, jay
14esté dadvis affin quilz se disposent daultant mieulx à mon intention de vous
15envoyer comme je faictz mes lettres pour les leur faire tenir comme je vous
16prye de les leur envoyer par lun des votres que vous depescherez exprès devers
17eulx au jour de Notre-Dame daoust prochain en leur faisant de votre part
18aussi une bonne lettre aveques toute instance de me contenter en cest endroict
19et donnant charge au porteur de retirer responce deulx que vous menvoyerez
20après et je vous asseure que vous ferez chose qui me sera à singulier
21plaisir de vous employer en leur endroict selon les moyens que je scay que vous
22y avez quilz me satisffacent, priant Dieu, monsieur, vous avoir en sa sainte
23garde. Escript à St Germain en laye, le XXIIIe jour
24de juillet 1573 .s.
25Charles
26De neufville secretaire